محاورة بين البنت وأبوها عن غلاء المهور *
الـــــــبـــــــنـــــــت :
يابوي عمـري نضـج وزان
واليـوم أصبحـت عروسـه
ابغـى اتـزوج ابـن فـلان
ومن شروطكم صرت معموسه
الأب :
يابنت أنتـي شانـك شـان
ومربينـك علـى الكـوسـه
نبغـى نـرد الثمـن بثمـان
ناخـذه ونكسـب فلـوسـه
الـــــــبـــــــنـــــــت :
يابـوي انـا لحـم وانسـان
ومـن شـرع الله مطموسـه
شوف البنات داخل الأسكـان
من كثرهـن فيـه عانوسـه
الأب :
تعبت مـع الزمـن وأزمـان
واليـوم يابنـت نبـروسـه
شريت لك من الكتب الـوان
واقـلام وثيـاب مدسوسـه