يا شفوق أنت وينك يا شفوق=ما تحرك هواك أشعاريه
كن بالقلب من بعدك شقوق=أتوجع ولا أنت(ي)داريه
أخذ بونتي ساعة وأفوق=والهواجس لوصلك شاريه
ما يلوق التجافي ما يلوق=يا هبوب الغرام الذاريه
أصهل الشوق في نبض الخفوق=وأصهلت له حلوٍم(ن)ساريه
السفر زادني يا شوق شوق=من يطفي لهايب ناريه ؟
صرت كني على جمر محروق=تايه بالليال أفكاريه
أسهر الليل لا وقت الشروق=والمقادير فوقي جاريه
يا شفوق الزمن طبعه سروق=يسرق أعمارنا يا قاريه
يأخذ حقوق ويقدم عقوق=والمشاعر بقلبي عاريه
ما كٌتب فوقنا لازم نذوق=دبرة الله وحكم الباريه
مير بقول لك كلمة بذوق=المشاعر لمثلك جاريه
لو تسوي بروحي الف عوق=فدوتك يا جمبل الطاريه
لأجل عينك نظمت الك الطروق=ولأجل روحك ركبت أخطاريه
في قصيدي مشاريه وحقوق=ومن عيوني تهل أمطاريه
هاجسي والمشاعر ما تروق=يا عناية بكل أسفاريه
الهوى صلف ما يعرف رفوق=والأماني بدمي جاريه
حاجةٍ(ن)وحده فيها صدوق=شوفتك بالحساب أصفاريه
الهوى نشف أفكار وعروق=ذا ملخص جميع أخباريه
يا شفوق أنت وينك يا شقوق=ما تحرك هواك أشعاريه