الاخوه الاعزاء بمنتدى القوافل يسرني ان انقل لكم
احدى محاوراتي مع استاذي ومعلمي وقدوتي بشعر المحاوره الشاعرالعملاق حبيب العازمي فلاتنتظروا مني ان اتفوق بل انظروا وش قدمت مع هالعملاق فالفرق واضح
بين الاستاذ والتلميذ

عثمان الثبيتي
نا نخيت حبيب الروقي العام= واقفى ولا عينت ردة جوابه

والمسلم اللي حافظ دين الاسلام= يحرص على الواجب وحق القرابه

حبيب العازمي
ماجاك لاضدة ولانته بمنظام= تنخى متعافي في قبيلة عتابه

قلنا يقوم الحظ والحظ ماقام=وانكان قام الحظ يامرحبابه

عثمان الثبيتي
انا رفيقي حاسبه درع وحزام= وان ما فزعلي بالطلب ويش ابابه

مادامت الدنياء لحافظ وصدام= ان لن تكن ذئبً كلتك الذيابه

حبيب العازمي
الله عطاك عيون والسان واعظام= وانكان قلبك ماصحا وش تبابه

الشايب اللي عاش وعياله ايتام =في سد وجهي مايجدد شبابه

عثمان الثبيتي
انا على القوفات ساطي وجزام= مير البلا معروف فار الخرابه

من دون هاك القصر يحداني زحام= وحبيب الروقي يقفل ببابه

حبيب العازمي
اشرب بذرعانك وصدر وقدام = شرب بلا ذرعان يحسب عيابه

القصر ليه اتجيه ما جاك عزام=يارجل بعض الهرج ما منه ثابه

عثمان الثبيتي
مادام ردك بان ماعاد تنلام= سيف بدون انصاب ماينغزابه

تراك عاقل لاتغويك الاوهام= واللي حسبلك يجب تحسب حسابه

حبيب العازمي
مالك علي شره ولاني بخدام= والسيف سيفك يامضيع نصابه

حطيتني مجرم بلا ذنب واجرام=يامن لقيله بلوةً وابتلابه

عثمان الثبيتي
ياصاحبي ماني بحاجه للاقزام= سيفي بروس القوم يقتل صوابه

يحج شيخ القوم والصوم ماصام= يالربع هذا الدين فيه الغرابه

حبيب العازمي
انته تدور ورد والورد بالشام= والحظ قوس مثل قوس الربابه

تبا تحج ومشتري كمر وحرام= لكن يامن حج محدً درابه

عثمان الثبيتي
احسبك انورً يجلي لكل الاوهام = واثرك كرادس ليل ماينسرابه