عطيتني كلك وانا ويـش بعطيـك
مهما عطيتك ماعطيتك ولا شـي
ياكثر جياتك ويا قـل مـا اجيـك
وياكثر غلطاتي وعفوك جزاً لـي
ياليت تنسى ماحصل من مهاويـك
انسى الزعل والجرح والظلم والكي
هاك الغلا والشوق ياشوق مغليـك
وهاك النظر والقلب مع كل ما في
تستاهل اكثر مـن غـرامٍ يسليـك
تستاهل اللي يعشقك ميـت وحـي
شاعرك ملكك ياهوى البال يفديـك
اطلب تدلل لو تبي عمري..شـوي
فراس ظوك عن شتا الوقت يدفيك
وعن شمس يومك ظلي الحب والفي
اليوم تكتب قصـة الحـب بيديـك
قصة غرامٍ تبتدي مالهـا ..طـي
ماعاد لي غيرك حبيـبٍ يساويـك
اخلصتلك حبي وغيرك ..ولا شي