قصيده قديمه غزليه جميله ورائعه للشاعر حسن الحصان رحمه الله:ــــ
اظلـم الليـل مانــدري وش اللي بقي *** والنجوم اللي أعرفها غطاها العسام
كل ماجيـــت ادير البيت هـد الضري *** واخـذ الكلــب بالحيلـه وارم العظــام
لين جيت الغظي في مرقد(ن)له هني***رايح(ن) في منامـه لاهنــاه المنـام
قلت ياخي انا عطشان قوم اسقني *** قــال دونــك القــربه وظمــها ثمــــام
قلت ياخي ما تقطع ضمـاء اللي طني***اسقني مـن شفيات(ن)خباها اللثام
قال انا لو سقيتك من شـراب(ن)هني***رحت بكره تعلم بي عيــال الحـــرام
قلـت اعاهـــدك بــ الله ربــنا المعتلـــي***ما نبيــح بســدك يا فــراخ الحمــام