لاتنشد اسباب حبّي له .. ما دّري شلون = حبّه جبرني اشوفه غير كل البشر
سبحان من خالقه يملك جميع الفنون = وابسط فنونه يحط القلب فوق الجمر
لو قالوا الناس حبّه سبّب الك الجنون = اقول لجله انا مجنون طول الدهر
من ثـقل حبّه احس اوقات جسمي بدون = عقل ومشاعر لو ان الدم مني قطر
حبيب قلبي لو اني خنت يبطي يخون = لو كان قلبي معه قاسي قساة الحجر
هذاك في كل خطوه لاحقته العيون = تخاف لا تفقده وتموت حقد وقهر
عواذلي لو عطوني فيه مايملكون = بعيد عن عينهم حتى رشاش العطر
من طيبته لو يشوف الناس مايضحكون = يخاف ماتضحك العالم عشانه قمر
بضحكـته يجرح العذال لو يسكتون = تظهر جروح العواذل لو يطول الصبر
لو يطعن القلب وش فيها مدامه يمون = وان كان وده يزيد اعطيه كل العمر
جرحي مدامه من يدينه يخف ويهون = كل شي سواه ضدي ناطله في بحر
مدامني عاشقه واهل الهوى يشهدون = تفداه كل الحروف اللى بوسط السطر
ماهمني من زعل والصدق ماهم يجيون ={نصه} ومن يزعل ٍ مني يصك بجدر
هذا كلامي اقول له والعرب ينظرون = مجنون في حب خلي لو دروبه خطر
مالك جميع الحيّل .. مالك جميع الفنون = ابسط فعوله يحط القلب تحت الجمر
بـقـــلــم .. / سـلطــان عــآآآئض الثـبيتي