تعال اشوفك يامنى الروح ساعه=وقف دموعي قبّل لايجف ماهـا
انت النظر وانت القمر وانسطاعه=ربي كتب للروح بيـدك شفاهـا
لاتعتذر( ممنوع )مالـك شفاعـه=اما تشوف العيـن خـل غلاهـا
ولا بسوق القلب ليـن القطاعـه=اما تلاقي اوبلاهـا...... بلاهـا
الصوت مايكفي واملّ استماعـه=لاتجبر القلبيـن تنسـى غلاهـا
كلّي قناعه وانـت كلّـك قناعـه=إن الحياه تزيـن لحظـة لقاهـا
جمر التلاقي مشتعـل بالمناعـه=وانت السبب بالبعد كنّـك تباهـا
يامنزرع بالعين بيدك( زراعـه)=كنّك بكفّك تنزعك مـن غلاهـا
راع الحنين اللي نويت اقتلاعـه=انت الوطن للروح وانتى مناهـا
لاتحسب ان البعد عنـي براعـه=من يصعد القمّه رقاها.... رقاها
مدام وجهك صار قمّـة يناعـه=أبقطف الخدين وارشف شفاهـا
ومدام شوقي ناح يشكي صداعـه=وبخافقي طعنـات انتـا دواهـا
بلّله تراها في خفوقـك وداعـه=لاتحرم العينـن تالـي رجاهـا
ماغيرك اللي شدّ قلبـي ولاعـه=ولاغيرك بداخل عيوني سناهـا
خل اللقا بالوصل يضوي شعاعه=لاتحرم العينيـن لـذّة صفاهـا
قلبي يحب الوصل هذي طباعـه=والعين بالأشواق فـي منتهاهـا
وكان الغزال يخاف هيبة سباعه=لابد مايرجع"" وياطـا ثراهـا""