أنا بقايا جرح وهموم وأحزان=أجمل ليال العمر يا زين ولت
طوتني الأقدار في كف الأزمان=أخذت جميل العمر والشين خلت
أخذت شبابي غصب والقلب زعلان=والروح من طول المعاناة ملت
ما عاد أميز بين زاهية الألوان=صارت سوا في ناظري كيف حلت
ما كني الا طير مكسور جنحان=وده يحلق مع طيور(ن)تعلت
عايش بشأن وباقي الطير في شأن=يرقب فضاه وسُبق الريش كلت
ما باقي الا روح في هيكل(ن)فان=حتى القدم في خطوته مستقلت
حالي مثل حاله ولو كنت إنسان=الضعف حان وقوة العمر زلت
ما باقي الا خافق(ن)حي ولسان=وصحائف(ن)من ذكرياتي تملت
بين الرجا واليأس في كان ما كان=وأحلام وردية ليا من تجلت
يرقص لها قلبي ولو كنت تعبان=وليا تقرب صوبهنه تخلت