أبيات لعلها تروق لكم
ياخفيف الدم خفف للغياب=
الغياب أثقل من الدم الثقيل=
انتظرتك لين كل الراس شاب=
انتظار المرتجي شفاء عليل=
ليش تسقيني من عدود السراب=
لين يبس الريق بالبخل الجزيل=
وليش تجبرني على صبر وعتاب=
وأنت تدري كل هذا مستحيل=
الخطأ ما يوم عادل للصواب=
والجفا ما ينقبل لو هو قليل=
السنين تمر والمكسب عذاب=
ما كسبنا شيء قدام الرحيل=
وش بقى نرجيه بعد الظن خاب=
بالزمان وبالظروف وبالجميل=
مابقي لي غير ذكرى في كتاب=
ناقشه جوف الحشا صبرٍ بويل=
بالخفوق اللي من أيامه مصاب=
كاتم أسراره ولو جرحه جليل=