يا سراديب الليال السرمديه=
ليت حظي يبتسم بعد عبوسه=
دارت الأيام دوراتٍ(ن)رديه=
ضيقت صدري بدورات معكوسه=
المواجع جاتني منها هديه=
هب ياوقتٍ(ن)مواجيعه دروسه=
الليالي ما تعرف المنقديه=
كل زين بدربها لازم تدوسه=
ضيعت عمري وحطت في يديه=
حسرةٍ(ن)في داخل الغبن مغموسه=
جفت أحلامي بعد كانت نديه=
والأماني بالمعاليق محبوسه=
ما تحقق شيء بأيامٍ(ن)مديه=
غير ونة بالحشا دوم مغروسه=
ونةٍ(ن)في خافي ماهي قديه=
كنها شحمة على جمر محموسه=
مرةٍ(ن)ماهي مثل تمر الوديه=
من عيون الطيب والخير محروسه=
يا سراديب الليال السرمديه=
ليت حظي يبتسم بعد عبوسه=