سلام مدري هلا مدري هلا في سلام=من زاير القاهرة قادم من أرض الحرم
ماني محرم حلال ولا محلل حرام=الدار في ذمة اللي معتلين الحكم
إن شفت منكر طلبت الله يزيل الأثام=وإن شفت نعمة طلبت الله يديم النعم
وإن شفت ماهو يقعد من لذيذ المنام=كتمت بالصدر ونة زايرة من عدم
ياقوم فرعون شايف بين عام ٍ وعام=أشياء كثيرة تغير بين بني وهدم
لكن ياقوم كثر البهرجة والكلام=ماهي بترفع لشأن أمثالكم بالأمم
قدامكم ناس كانوا معتلين المقام=ما كنهم يوم كانوا جمعهم انهزم
دارت بهم حالة الدنيا بليا رحام=مافيه واحد من الأقوام كان وسلم
مروا مرور الكرام وعقبوا للكرام=أثار ذكرى عطاياهم مثايل كرم
مافيه غير اللي خلق مستدام=سبحانه اللي وهبنا كل ما هو قسم