طابت أوقاتكم
الأبيات كالعادة بدون مقدمات
يا سيدة نبض الهوى في خفوقي=عندي سؤال ومنتظر للأجابه
منهو كثير الشوق شوقك وشوقي=وإلا تظني بالغرام ا نتشابه
ردي جواب وعل بالي يروقي=يرتاح قلبي والفكر وإرتيابه
إن قلتي أنا قلت:خلي صدوقي=وإن قلتي أنته قلت:ما من غرابه
هواك مثل الدم داخل عروقي=والعقل صابه من غرامك صبابه
عقلي تبرمج فيك يا كل ذوقي=أنساك وأذكر مثل مخ الذبابه
طيفك أمامي مثل لمع البروقي=وأحلام عمري مثل وبل السحابه
القلب من نار البعاد محروقي=كنه تناهش في جنوبه ذيابه
مشغول بك وأشغلت عذب الطروقي=وأشغلت حرفي بالحكي والكتابه
هذا بعض من حال ما عدت أفوقي=هواك سوى في حياتي رتابه
أنام بك والطيف جنبي وفوقي=وأصحى عليك وفي هجوسي مهابه
خايف عليك ومنك طالب حقوقي=الين لك لو كان فيني صلابه
يا سيدة نبض الهوى في خفوقي=عندي سؤال ومنتظر للأجابه