الي يبا قربي عسى الله يحييه
الي يبا قربي عسى الله يحييه = والي يبا فرقاي درب السلامه
مادور المقفي ولايمكن ادعيه = حتى لو ان القلب يعشق غرامه
من راح من كيفه عسى الله يهنيه = وبدنيته ربي يحقق مرامه
مانجبر الي مبعدات(ن) خطاويه = وقت الوداع نودعه بابتسامه
والي حفظ قدري بروحي انا افديه = اصون له قدره واحفظ مقامه
تعبت من كثر العتب والمشاريه = وتعبت من كثر الحكي والملامه
وتعبت ادور له عذر لاني اغليه = اغليه من قلبي واذوب بكلامه
الي يبا قربي عسى الله يحييه = والي يبا فرقاي درب السلامه