الأبيات
يالليل الشوق بسم الله بدينا سجة الطاروق=على خيل الهجوس اللي عن الزلات رافعها
ياقاف الشعر هيا فوق وإرقا بالمعاني فوق=ترى كل العلوم السامية عندي مراجعها
أمانة ياقصيدي بعد لاحت بالهجوس بروق=تجمل بلغ المحبوب وإحذر لا تفزعها
رسالة من صميم القلب تاصل حالي المنطوق=بعد رد السلام رسالتي تعرف طوابعها
مضى وقتٍ(ن)طويل ولا سمعتك ليش يامعشوق=طلبتك يا عديل الروح روحي لا تضيعها
يابعد الروح انا لي حق عندك والك بعد حقوق=مواجيبك ببيت الروح ناقشها وطابعها
وأنا أدري ما يزين الحال كله بالليال فروق=عشمنا لن حصل تقصير زود الحب يشفعها
سكبتك في عروق القلب صالي يا وهيج الشوق=على شان الجروح تزيد ما تنقص مواجعها
أنا عندي قناعة ماش طب يعالج المحروق=مواجيع الهوى مستعصية هذي طبايعها
وأنا قلبي من سهوم المحبة من زمن معلوق=سنين طوال وعروق الحشا حبي مقطعها
تمنيت الزمان يزين ترجع يارفيع الذوق=حسافة ضاعت سنين العمر والحلم يتبعها
ما باقي غير ذكرى ساكنة في داخل الخافوق=تحاول نعة النسيان تمسحها ويمنعها
يا قلب إرحم لحالي واترك اللي فات يا مخلوق=تجمل وامسح سنينٍ(ن)تقافت مع توابعها
مناك اللي تريده حال من دونه بعاد وعوق=ظروفٍ(ن)حايلة ما بيننا والحظ منبعها
يالليل الشوق بسم الله بدينا سجة الطاروق=على خيل الهجوس اللي عن الزلات رافعها