أسعدكم الله
الأبيات كالعادة بدون مقدمات
يا حاضر بالفكر غايب عن عيوني=له مدةٍ(ن)عرفنا شنهي أحواله
حاله تغير وكان الله بالعوني=قل اتصاله ووقل ورود مرساله
لا جئت بعاتبه غلاه ما يهوني=مرضا عليه العتاب وحالتي حاله
وإن جئت بصبر ظروف الوقت يكوني=القلب ماهو مريحني بزلزاله
كل ليله أحلام نومي له يودوني=اسامر أطياف مضنوني بمنزاله
الناس ترقد وأنا أحلامي يسروني=أسج خيل القوافي ليل يا لا له
أشكي لشعري جروحٍ(ن)تدمي لنوني=من غيبتك يا وليفٍ(ن)نادر وصاله
غيبتك والبعد جوف القلب يكوني=وشلون ترضى على قلبي وما جاله
ما كني إلا بحبك صرت مديوني=الهم يرعى بجوفي زاد غرباله
عاقل ومجنون مدري كلي جنوني=من حبك اللي بقلبي ياغلا شاله
هواك بين الضلوع العوج مدفوني=للقلب حالي مراره جرح يحلا له
أون والناس من حولي يونوني=وأخاف دمع العيون يفيض شلاله
لو فاض دمع العيون أغرقت للكوني=وأرخصت نفسي لهرج أقوام عذاله
ناسٍ(ن)تدور عليه شيء يوذوني=ماهمهم غير وشسوى ومن قاله