ابضوي العتمه بنور السرااجي



ياهاجسي غني وفل الحجاجي = فل الحجاج وسج الاقدام قدام


الليل لو طول يجيه انبلاجي = يشع نور الصبح ويروح الاظلام


لو كان هذا الوقت فيه انعواجي = بكره يزين الحال ونحقق احلام


ابضوي العتمه بنور السراجي = وابرسم احلامي بفرشاة رسام


واعيش في الحاضر بكل اندماجي = واودع الماضي ولو كله الآم


واقول ماللضيقه الا انفراجي = من رب مايغفل ولا عينه تنام


لغير رب الكون ماني براجي = بامره يزول الهم وتزول الاسقام


سبحانه العالم بكل احتياجي = الرازق المعطي جزيل(ن) باالانعام


نعم الوكيل وعالم (ن) بالخراجي = في لوحه المحفوظ سطر باالاقلام


ياهاجسي غني وفل الحجاجي = فل الحجاج وسج الاقدام قدااام