عزاه ياقلبي بعد ماروحت عنك الهنوف
عزاه ياقلبي بعد ماروحت عنك الهنوف = عزاه ياقلبي بعد مالوحت لك باالرحيل
راحت وخلتني اجر الصوت واللون مخطوف = ناظرتها والدمع من عيني يشابه للمسيل
ماعاد باقي لي جدى ياكود اصفق باالكفوف = واذهلني الموقف ورجلي ياجماعه ماتشيل
ماجاء على بالي توادعني وخابرها عطوف = ياما سهرت العينها ان كان تبغون الدليل
كانت تسامرني وانا لعيونها اكتب حروف = بيوت اكتبها لاجل ارضيبها الطرف الكحيل
احبها وانا ترى لشوفها دايم شغوف = ماظن ابلقى للغزال الي ذبحني من مثيل
ياكثر مافيها مزايا وزينها ماله وصوف = ونسيانها يصعب على مثلي وهذا مستحيل
عزاه ياقلبي بعد ماروحت عنك الهنوف = وعزاه ياقلبي بعد مالوحت لك باالرحيل