أسعدكم الله
الأبيات بدون مقدمات ولا تعليق
وشلون بعرف في حياتي وناسه=في وقت فيه الميت أبرك من الحي
الوضع أشوفه كل يوم انتكاسه=والمدح يكبر والنتائج ولا شي
زمن يورث كل عاقل تعاسه=مرض ليا صاب المخاليق يبطي
ماله علاج ولا تزيله دراسه=ليا صاب قومٍ(ن)مالهم منه منجي
تموت بقلوب الرجال الحماسه=الهون ماله بالعلاجات مشفي
ناس هدفهم بالحياة الرياسه=سواة عشبٍ(ن)نابتٍ(ن)في دجى في
ماحولهم فطنه ولا به كياسه=أفعالهم وأقوالهم سي من سي
لا علم حاوينه ولا به فراسه=أجسام والمعقول تفكير لصبي
سمو فشلهم بالسياسه سياسه=استسهلوا للصعب واشرقهم المي
وشلون بعرف في حياتي وناسه=في وقت فيه الميت أبرك من الحي