الأبيات مجاراة لقصيدة الشاعر عثمان الثبيتي
على الرابط
http://www.alqwafel.com/vb/showthread.php?t=18001
وهذي مجاراتي عساها يروق
ياللي تصيغ أفكار وتحيد أفكار=مثل الصحافي والخبر بالجريده
الحر ما يشكي من علو الأوكار=والمجد من حظ الرجال المجيده
دام العلوم كبار لا ترجع صغار=الصقر ما يعجز يصيد الطريده
خلك مثل شاهين لا حلق وطار=يختار من بين الطرايد فريده
خلك صبور الوقت معروف دوار=تقفي ليال ومقبلاتٍ(ن)جديده
لا تشتكي الحظ لو جار لو جار=يجي بعد عسرٍ(ن)منافح رشيده
الحر ما ينضام في دار الأحرار=والراي تبرمه العقول السديده
لا تعلن إفلاسك لشاري وتجار=ترى الفقر ذيب الرجال العنيده
طالع لعين الشمس لو جوها حار=لا تنظر لعين الفتاة البليده
ترى السماء مليان بنجوم وأقمار=والأرض مليانة عبادٍ(ن)زهيده
وإلا البحر خلك مع البحر بحار=ناحر لموجه والفؤايد عديده
سافر ترى بعض الفوائد بالأسفار=علمٍ(ن)تجينا به وعلمٍ(ن)تعيده
وإلا على متن السماء صير طيار=ترتاح من هم الزمن وتخديده
خلك شمالي وإسمع العلم والشار=عيش الليال قصيرات ومديده
العمر واحد مالنا غيره أعمار=والموت واحد ياعساها شهيده
الخيًر يلاقي مجازاة الأخيار=في جنة الفردوس نعمة وكيده
والنار لأهل النار عاصي وكفار=كل يبا يلقى جزاء ما يصيده
يابادع الأشعار يالاعب الزار=ترى الشدايد تاليتها شديده
ياللي تصيغ أفكار وتحيد أفكار=مثل الصحافي والخبر بالجريده