يسعدني أن أطرح بين أيديكم هذه الأبيات المتواضعة
وكلي أمل أن ترقى الى ذائقتكم الشعرية
تربعي فوق القصد يا قصيده=سوات ماني فوق قلبه تربعت
حبيبي اللي جعل روحه سعيده=كل ما ذكرته في غيابه تولعت
اللي ملك قلبي وعقلي يريده=مافيه يومٍ(ن)عن غرامه تراجعت
أهوى وصوفه وأنتشي من نشيده=لولا غرامه كان في دنيتي ضعت
مشاعري قبله ومعه وجديده=ما شاقها غيره بكيفي لها طعت
أعشق لقربه وأتمنى بعيده=شربت حبه بالهنا ما تسرعت
حيثه فتني بالوصوف الحميده=الفارس اللي لأمره أذعنت وإنصعت
كلي فدا الغالي وأنا المستفيده=لو بعت كل الناس رجواي ما بعت
ماجد وترخص له مفاتن مجيده=على الوفا والطيب والطهر بايعت
أيام عمري معه لوهي مديده=تمضي وأنا من شوفته ما تشبعت
قلبي عن الفرسان صاير حديده=لكن له لو يلمس لشيلتي معت
فريد وأنا في زماني فريده=واقع هوانا بالهوى ماتصنعت
يستاهل الراشد مشاعر رشيده=ا موزعٍ(ن)فيني وفينه توزعت
تربعي فوق القصد يا قصيده=سوات ماني فوق قلبه تربعت