السلام عليكم ورحمه الله وبركاته
يسعدني ويشرفني التواجد معكم بهذا الصرح الجميل
وهذي أول مشاركه واتمنى ان تنال اعجاب الجميع
أقول اليوم ياخلـي تراها زادت اعــــــــــذارك
تغيب وتبتعد وتصد وتقول العذر مشغــــــول
أنا طوفت لك مـــرة ومراتٍ مع اصـــــــرارك
أنا وان كنت ماتدري تحملت الفــــراق فصـول
تحملت بغيابك شي .... تصدق يذهل افكــارك
تحملت العنا والشوق وجرح بخـــافقي معلول
أسلي خــــاطري أكتب واقـــول اردد اشعارك
أنام ولا حلا لي النوم افز من الوله مذهــــول
اطالع وابتسم وافرح واقول ارحبت في دارك
وفجأة يعتريني صمت واحس ان العقل مخبول
حبيبي ليـــــــــــه تتغلى على اللي عز مقدارك
حبيبٍ ماعرف غيرك ومن دون غدا مجهـــول
غريب امضيع ادروبه ولا همه سوى اخبارك
يتيـــــم وفــــاقد احضانٍ تلم بعظمه المهزول
حبيـب ان كنت نـــــاسيني وعني مـــال تيارك
تراني بترك الدنيـــــــا وبرحل وأنته المسؤول
قلـــــــب شــــــاعر