مساكم وصباحكم ورد وفل وياسمين
اليكم ما خطر بالفكر في حينه عله يرقى الى ذائقتكم
تقول الفاتنة ليتك تسوي شعر مو قاسي=إذا تقدر ترى هذا منى عيني ومطلوبي
إذا نست قساوتها أنا ما ظني بناسي=أنا قستني الأيام قبل تقسي إسلوبي
نزف شعري على صخر الجفا ماهمه إحساسي=وكسر للمشاعر ما تحرك طرف محبوبي
ياكيف تلومني والبحر بحرك يابعد ناسي=بعد تاهت بلجاتك محاسن روح وذنوبي
نسيت إن الندى قطرات تتبخر من أقباسي=ونسيت إن القلوب من الكلام العذب بتذوبي
نسيت إن الحديد الصلب ما يشبه له المأسي=ياكيف أزرع ورودٍ(ن)في صحاري حر وهبوبي
ونسيت إن العطور اللي تهيج ساكن أنفاسي=لها وقتٍ(ن)طويل أسمع بها والقلب معطوبي
نست إني زرعتك بالعروق وطحت متواسي=وناديتك تعال إسق المشاعر قلت:مرعوبي
نسيت إني حلمت ومات حلمي داخل أحباسي=دفنته بالضلوع وقلت:حظ وشيء مكتوبي
نسيت إني تمنيتك شموع تنير غطلاسي=ومر الليل عقبه ليل وأنته مأنته بصوبي
نسيت إني ترجيتك وقلت:أبيك لأوناسي=وقلت:العفو مقدر مختلف دربك عن دروبي
نسيت إن الصدود مشيبة برموشي وراسي=وشمسي حادرة فات الشروق وقادم غروبي
نسيت إني على روس الملا بشهر لك إفلاسي=لو إني ما تمنيت الخسارة بس مغصوبي
قصيدي صار مثلي قاسيٍ(ن)مايعرف قياسي=على ماقيل فات الفوت حظ وصار منكوبي
ليا ما راق لك شعري يروق لناس وأجناسي=وكل شيء يا عذب اللما بالشعر محسوبي
ظروف الفكر تقرع للقوافي قرع الأجراسي=قصائد والقصائد ما تحقق كل مرغوبي