اضحك عليك وأثم ضحكي عليًه
باسباب تـرعـاهـا بروح التغـلًي
يللي غـواك ابليـس واليـوم زيُه
المـعـصـيه مافادت ابلـيسك الًي
الـلي على مـنــفـاه راعـي أذيُـه
شانه ومـيـدانـه صـروف التبلًي
يستثـمر اهواء النفـوس الطريًه
اللي يـجـاذبـها طـمـوح الـتـسلُي
واتـسايـر الالـقـاب روحه وجـيًه
واهـل العـفـانه جـهـدهـا مايكلًي
وانا سألـت من القـوامـيـس ميًه
وش يعـني الفـنـان والأمس قلًي
تـعـنـي حـمـار وفالتـراكـيـب حيًه
تـنـفـث سمـوم ولا توالي مصلًي
رقـص وغـنـا وافلام حاله غـبيًه
وازهـوم شر النفـس فـيهم تهلًي
والمـنـتج ابليس البـشر والرزيًه
بافـكار شيـطـانـه يـضـل ويـضلًي
وابليـس حـايـم يـنـتـخي بالـبـقـيًه
الـلي ديـانـتـهـم طـقــوس وتـفـلًي
لوكان بـعـض الناس يـنـقـد عليًه
لكـن صدق الـقـول والنـصح دلًي
ليش الـتـبـرج واخـتـلاء الصـبيًه
والمـعـصيـه رمـز الأنا والـتحلًي
ومادام فـيـنا الروح والنفس حيًه
انا اشهد ان الدين روح التـجـلًي