مثلك بلا مبدأ بفعله وقولة=لا وازعٍ ديني ولا عرف عقـال
رجال لكن منت حول الرجولة=حرام مثلك يلبس شماغ وعقال
المشكله أنك من سلايل حمولة=مثلتها بالشين من قول وافعال
حلم العصافير الصغيره وزولة=زول البغال اللي لها قيد وحبال
مثـلك عرفنا مبتغاه وميوله=شكواي لله في صعيفين الآمال
قهري على مثلك صعيب وصولة=مثلي غدت بالشعر مضرب للأمثال
اكتب قصيد عذب واعرف أصولة=رطباَ طرياَ يانعاَ يشرح البال
مدهش ومنعش ينعش اللي يقولة=سهلا بسيطاَ صافياَ كنة ازلال
وانتة قصيدك ما نهض من خمولة=مير الصحافه دورها حيل فعال
ماني من اللي تنهزم بسهولة=اقوى من الصخر واقسى من جبال
واذا على بنت انتصارك بطوله=يا فرحة امك جابت اليوم رجال