ياذيب لا تعوي ترى ازعجني اعواك = وش فيك تقنب كل يـوم(ن)وليله
وش الـذي صـابـك يـاذيـب وش جاك = قـــال الـبـلا راع الـعـيـون الكحيله
من يوم شفت أوصافها ضاع الادراك = مـثـل الـذي طـاعـنـه خنجر دخيله
قـلـت الـوصـوف كثار والعلم ينـصاك = قُليِ وش اوصاف الهنوف الجميله
قلَي عـيـونـه سـود والـخـصر كالراك = وســهـام مـوتـي فالرموش الظليله
قـلـت انـت يـاذيــب الـخـلا وش وداك = يــم الـغـزال اللـي فـوادك قـتـيـلـه
ابـشـر بـعـزك دامـنـي جـيــت يـمـنـاك = بـحـطـلـه لـجـلـك ثـلاثـيـن حـيـلـه
بـلـيـن فــواده عــلــى شــان يــهــواك = حـتـى يـصـيـر الـخـل وانته خليله
اللي تــريــده مــنــه يــاذيــب يــفــداك = مـن شـان عـيـنـك يـفـتـدي بالقبيله
مـن بـعـدها مـاريـد انــا أسمع اعـواك = دامـك لـقـيـت أم الـعـيـون الكحيله

المشاركة الأصلية كتبت بواسطة القنـــــاص (المشاركة 75315) صح لسانك يالذيب ما قصرت ابيات جميله تقبل تحيتي

المشاركة الأصلية كتبت بواسطة دليل القوافــل (المشاركة 75319) صح لسانك يا الذيب قصيدة جميلة تقبل مروري

المشاركة الأصلية كتبت بواسطة صقـر عتيبـة (المشاركة 75322) صح السانك يا ذيب القبيلة وانشاء الله نشوف من هاذي القصايد كل يوم وليلة .... تقبل ردي يا ذيب صقر عتيبة

المشاركة الأصلية كتبت بواسطة أبو ناصر (المشاركة 75325) الله عليك يالذيب وافيه من راس وافي تقبل تواضع مروري