غني طرب للشوق والا بشماته=ما عاد تفرق عندنا كل الألحان
القلب معلن للعذارى مماته=ماتجذبه حلو الأغاني والألوان
عرف مزاميرك بها مهلكاته=إنسية لكن في ثوب شيطان
منتي بلا شوقه ولا من بناته=اللي لهن في داخله عرش وأوطان
حتى ولو عندك بعض مغرياته=ماهو مبدل شامخاته بقيعان
خليه يابنت الهوى في سباته=قلبي تعب مدري من الوجد قنعان
لا تشغلينه بعد قرر سكاته=خليه شوفي لك من الناس طربان
ماعاد هو يمك ولاأنتي بذاته=تائب عن اللذات من بعد الإدمان
عايش بكهف الصدر مع ذكرياته=اللي مضت يابنت في ذيك الأزمان
لا تشغلينه باللهو عن صلاته=غضي عنه طرفك ترى الطرف فتان
روحي عنه خليه يجمع رفاته=عله يطهرها بتسبيح وإيمان
لله رب العرش حان التفاته=عسى الكريم يبدل الغي بإحسان
خليه يمحي سيته بحسناته=بعد رجع لله تايب وندمان
على الذي يابنت من وقت فاته=أيام مرت كلها جنان بجنان
يوم الشقاوة والشقا هي حياته=اليوم كل اللي هوى بالزمن كان

المشاركة الأصلية كتبت بواسطة الــذيــب (المشاركة 56900) صح الله لساااااانك قصيدة رائعه من روائعك الله يعطيك العافية تقبل أرق التحايا و أعذبها

صح بدنك بارك الله فيك


لك


خالص تحيتي

ربي يسلم عمرك


كاتبها لقلبي


الله يعطيك العافية


لك


خالص تحيتي