هذه القصيدة للشاعر : رشيد الزلامي العتيبي , وهو في الجيش الكويتي في مصر بعد ما حصل على شخص يسب السعوديه ولما سمعه المذكور قال هذه الابيات :
الله مـن قلـب بـه النـار تشتـب=
هبت وضبـت واستمـرت شبوبـه =
قلـب غـدى للهم مـارد و مشـرب=
وما ضاع من هم العرب راح صوبـه=
هم على ربعـه وهـم علـى شـب=
باليـوم والساعـه همومـه تلـوبـه=
والله من عين تصـب العبـر صـب=
صب القليب اللـي تدالـح غروبـه=
ياعبيد انا مانيب ضـب ولـد ضـب=
يصبر لمـا يسمـع وينفـخ ذروبـه=
انـا عتيـبـي عـريـب مـعـرب=
لي ماقف كل الجميـع اشهـدوا بـه=
من سب داري قلت له كب ثـم كـب=
وارخصت روحي دون داري جلوبـه=
لـو اتعـبـن سبابـهـا واتـعـذب=
صبرت من شـان الوطـن للعقوبـه=
والسجن ماهو عيـب شـي مجـرب=
لعلـم المسجـون مـاهـي ذنـوبـه=
يلومنـي خبـل الا مــا تـغـرب=
ينسى الوطن خسروا هله يوم جوبـه=
فوده مع الضفـران صفـر مكعـب=
غطيـس قلـب لـذة النـوم دوبـه=
وانـا علـى كـل الجنـوب اتقلـب=
ما ذقت حلو النـوم يـوم اهتنوابـه=
واقنب قنيب الذيب في راس مرقـب=
من حر مابـه قـام ينهـش جنوبـه=
يحييني الغربي عصيـر الـى هـب=
ريح الديـار الطاهـره فـي هبوبـه=
ريحة هواها مكسبـي يـوم نكسـب=
اخير من ريـح البحـر والرطوبـه=
عسى السحاب اللي من العصر ينصب=
دلـت هماليلـه وهبـت نصـوبـه=
يسقي وطن راعي العقـال المقصـب=
نجد العزيزه وغرب نجـد وجنوبـه=
ياديرتـي مانقبـل الشتـم والسـب=
يامنبـع الاســلام دار العـروبـه=
يفـوز مذهبهـا علـى كـل مذهـب=
وعلـى مقلبـت المذاهـب عقوبـه=
يحكم بشـرع الله والسيـف الارقـب=
ولا شق فيها طالب الحق ثوبه=
وقال الزلامي هذه الابيات وهو في الكويت وفي احد الايام كان الزلامي يتصفح احدى المجلات وعنده بعض زملائه العسكريين فرأى صورة الملك فهد ((رحمه الله))في احدى الصفحات فأخذ يتمعن فيها ثم قبلها فقال احد زملائه ارني ماذا قبلت !!
فقال قبلت : صورة الملك فهد اطال الله في عمره ,,, فغضب الزميل الكويتي منه فخرج غاضباً من عنده ثم ارسل الى الزلامي هذه الابيات]
حنا بدار مدلهة صدر من ضـاق=
بلـغ سلامـي للزلامـي وقـلـه=
ياعابد الصوره على بيض الاوراق=
دارك عرفناهـا وعلتـك عـلـه=
إن كان حبه محرق قلبك إحـراق=
شد الرحـال ودرب عمـك تدلـه=
فرد الزلامي عليه قائلاً :
انتم بدار مدلهة صدر مـن ضـاق=
وانا اتخيل صورتـه مخلـص لـه=
ماتعرفونـه ياردييـن الاعـمـاق=
هذا الفهد ذخر الفهـد فـي محلـه=
اللي ليا شطـت ويبسـن الاريـاق=
انته وانـا ومعزبـك تحـت ظلـه=
والله احبه حب مخلـص ومشتـاق=
واحب حتى صورته فـي المجلـه=
واهل الحسد ماهم على باب الارزاق=
رزقي على اللي كون الكـون كلـه=
حنـا سعودييـن ياطـاق طربـاق=
احـرار ماعشنـا بعيشـة مـذلـه=
رجالنا لو هو على مكسـر السـاق=
حب الكرامة والوفا عادة لـه=
وبعدها رجع الزلامي الى دياره في السعوديه وقد ترك الوضيفه في الكويت وهو رافع الرأس مضحياً بكل شيء من اجل حبه للوطن وعند مروره بالجمارك الكويتيه ذاهباً الى السعويه قال هذه الابيات
هـذي هويتكـم وهـذي بدالـي=
وجميع مافي عهدتـي تاجدونـه=
والجيش يلقى عسكـري بدالـي=
ورزقي على اللي ماتغمض عيونه=
في احدى الصحف شخص يسأل عن الزلامي وعن قصة حياته ووصل العلم لرشيد الزلامي ورد عليها الزلامي
يقول
ياسائلاً تسأل ترى الصوت مسموع=
وما نشر بالصفحـه قريتـه بذاتـي=
سويت لي مشروع من غير مشروع=
والزمتنـي بالـرد دون شهـواتـي=
اكيد عندك يا فتى الجـود موضـوع=
والا مسوي بـك زمانـك سواتـي=
مسقيك من علقات الايـام قرطـوع=
وتسمع صراعي فيـه ومغامراتـي=
فان كان هذا الامر بالشكل والنـوع=
خـل الامـر لمكـون الكاينـاتـي=
ساير زمانك كان لك قلب وضلـوع=
وارج الفـرج بايامـك المقبلاتـي=
وان كان ما طاعتك خلك لها طـوع=
ما انته بضاربهـا برمـح الزناتـي=
اما سوالـك مـا جوابـه بممنـوع=
ولو للحيـاه اسرارهـا الخافياتـي=
اجاوبك لو ما معي منـك منفـوع=
تحب تعرف كيـف قصـة حياتـي=
حياة ذيباً عايـش الفقـر والجـوع=
ليلـه يبـات وليلـة مـا يبـاتـي=
اعيش عيشة ذيب والراس مرفـوع=
وان قلّ مالي عـزّ نفسـي غناتـي=
((وهذي ابيات من قصيده ثانيه))
وقت(ن) يخلي صاحي الفكـر يحتـار=
ويشوف من هول الدهـر مايروعـه=
تلقى الفقير وفزعتـه خمسـة انفـار=
وتلقى الغني كـل الجماعـه فزوعـه=
ياعاشق الدنيـا تـرى مالهـا جـار=
كما واحد(ن) في حبها طـار شوعـه=
اليوم تضحـك لـه وتعطيـه الانـذار=
وبكـره تلحويهـا محانـي ضلوعـه=
خلك علـى صكـات الايـام صبـار=
ويوم(ن) يفوتـك لاتمنـى رجوعـه=
اقفى على مافيه من خيـر واشـرار=
نجم(ن) هوى مايندرى عـن طلوعـه=
وماهي على كيفـك تمنـى وتختـار=
ابعد على المخلوق من حـب كوعـه=
يخبرك من ذاق المتاعـب والامـرار=
وحـاول ولاجالـه زمانـه بطوعـه=
ومرت به الدنيا على بعـض الاقطـار=
في رحلة(ن) ماغيرت مـن طبوعـه=
والله ماواطن عيشـة الـذل والعـار=
مادام لـي شيمـه ونفـس قنوعـه=
وقرش(ن) عزيز افضل من الفين دينار=
من مصدر(ن) للذل يعلـن خضوعـه=
ولو الوساده من صلافيـح الاحجـار=
للراس اخير من التـرف والميوعـه=
(((وهذي قصيده كامله)))
قالـوا تعلمـت قلـت عنادوفراسـه=
أعانـد النفـس والدنياواصارعـهـا=
ودرست في مدرسـة شيبـت راسـه=
دنيا العنا اللـي قصيفـات مطامعهـا=
تلميذهـا دايـم تكتـب بقرطـاسـه=
وتعطيـه يمنـة دروس مايضيعـهـا=
والله عطانا نظـر وشعـور حساسـه=
ناخذ علوم المعرفه مـن مراجعهـا=.
ونساير الوقـت ونقيسـه بمقياسـه=
ونواجه النفـس بالواقـع ونقنعهـا=.
وترى حياة الفتي مهما قـوى باسـه=
محفوفة بالخطـر والمـوت تابعهـا.=
من مبتدأ العمر حتى يلفـظ انفاسـه=
يمر فـي مرحلـة تكثـر زوابعهـا.=
أول حياة الفتـى مشـوار وعساسـه=
مسافة في عجـاج العمـر يقطعهـا=.
وثاني حياة الفتـى تدريـب ودراسـه=
تصعب ظروف الحياة وينشغل معهـا=.
وثالث حياة الفتى يرجع على ساسـه=
النقطـه اللـي بـدأ منهـا يراجعهـا=
يرجع لسن الهرم ويضيـع الطاسـه=
ويزحف مع الأرض ويخطط شوارعها=.
واليا تلاقت متونـه وارتخـى راسـه=
ضاعت جميع العلوم اللـي جمعهـا=.
قصيدة شريتلي جيب ::
الله على اللي شوحتـه تقطـع الـدار=
يوصل غريب الـدار ديـرة ربوعـه=
أبيـه والله ميـر مغليـن الاسـعـار=
والبنـك ماادلـه ولااعـرف فروعـه=
وذي حالـة الدنيـا لهـا ادوار وادوار=
يومـن تواصلنـا ويومـن قطـوعـه=
وكـل البشـر فيهـم فقـارا وتجـار=
ونفوس تتحمـل والاخـرى جزوعـه=
وحتى بنـوك النقـد تعجـز وتنهـار=
ماهوب انا عجزي بعـاد(ن) رموعـه=
بس المهـم ودون توضيـح الاسـرار=
وضعي ووضع الجيب شكلـه ونوعـه=
شريت لي جيب(ن)عسى ابـوه للنـار=
بانـت عذاريبـه مـن اول اسبوعـه=
مزعج مع الصحراء ومزعج مع القار=
ومـن يركبـه لازم يسكـر سموعـه=
مثل الشبـح ماينقصـه غيـر طيـار=
شكلـه وتصميمـه وممشـاه روعـه=
من خف دمـه مابقـى فيـه مسمـار=
ولايركبـون عيـال الانـذال نوعـه=
مايركبـون الا سـفـاري وفكـسـار=
آخر زمان(ن) جعـل بقعـا تصوعـه=
خـلا رجـال المرجلـه مالهـم كـار=
الذيـخ لـو يبكـي مسحنـا دموعـه=
الذيـخ يشبـع فالفضايـل والاسـوار=
والذيـب مايـدرى بفقـره وجوعـه=
وقت(ن) يخلي صاحي الفكـر يحتـار=
ويشوف من هـول الدهـر مايروعـه=
تلقى الفقير وفزعتـه خمسـة انفـار=
وتلقى الغني كـل الجماعـه فزوعـه=
ياعاشـق الدنيـا تـرى مالهـا جـار=
كما واحد(ن) في حبها طـار شوعـه=
اليوم تضحـك لـه وتعطيـه الانـذار=
وبكـره تلحويهـا محانـي ضلوعـه=
خلك علـى صكـات الايـام صبـار=
ويـوم(ن) يفوتـك لاتمنـى رجوعـه=
اقفى على مافيه مـن خيـر واشـرار=
نجم(ن) هوى مايندرى عـن طلوعـه=
وماهي علـى كيفـك تمنـى وتختـار=
ابعد على المخلوق مـن حـب كوعـه=
يخبرك من ذاق المتاعـب والامـرار=
وحـاول ولاجالـه زمانـه بطوعـه=
ومرت به الدنيا على بعـض الاقطـار=
في رحلة(ن) ماغيرت مـن طبوعـه=
والله ماواطـن عيشـة الـذل والعـار=
مـادام لـي شيمـه ونفـس قنوعـه=
وقرش(ن) عزيز افضل من الفين دينار=
من مصدر(ن) للذل يعلـن خضوعـه=
ولو الوساده من صلافيـح الاحجـار=
للراس اخير مـن التـرف والميوعـه=
قصيدة وادي العقيقي
البـارحـه يــوم الثـريـا تـويـق=
ييـوم كـلٍ فـي لذيـذ الكـرى راق=
وقفت ليـن الشـوف جالـه بريـق=
مثل السراب اللي علـى البعـد لهـاق=
أخيـل بـرق صـوب واد العقـيـق=
يماشفت مثلـه يفضـح الليـل بـراق=
عـسـاه يسـقـي دار ذاك الفـريـق=
يلو رغبتي ما عـاد بـاقٍ لهـا بـاق=
وذيـك الديـر مانـي عليهـا شفيـق=
يتطيب منها النفس وتضيـق الاخـلاق=
قزرت عمـري فـي بحرهـا غريـق=
يمتحمـل ٍ كـل المتاعـب والارهـاق=
لين انكشف وجـه العـدو والصديـق=
يوالرفقه اللي حبلهـا رمـث ودقـاق=
ولا كلفـت نفـسٍ بـمـا لا تطـيـق=
يتبينت لـي كنهـا شمـس الإشـراق=
وانا ليـا شفـت الجفـا مـن رفيـق=
يوصار الامل حبر ٍ على بيض الاوراق=
قابلـت غلطـاتـه بـوجـهٍ طلـيـق=
يونظرت له نظـرة محـب ٍ ومشتـاق=
أعطيـه حتـى مـن منامـه يفـيـق=
يلا كلمته سمّعت ولا خاطـرٍ ضـاق=
حتـى يعـرف انـي رفيـقٍ حقيـق=
يوليا انحرف ماهو على بـاب الارزاق=
يروح في دربـه وانـا فـي طريـق=
يمن خلقت الدنيا بهـا جمـع وافـراق=
علـي بيبـان الفـرج مـا تضـيـق=
يأسوقهـا فـي كـل ديـره وتنسـاق=
وابعد عـن اللـي رفقتـه مـا تليـق=
يماني علـى جنبـه معلّـق بمعـلاق=
ياكثر مالي فـي الديـر مـن صديـق=
يلا بارت العملـه وشحّـن الاسـواق=
صداقـةٍ تبـنـا بـسـاس ٍ وثـيـق=
لا عقربٍ تلـدغ ولا مـوس حـلاق=
