القلب مايقوى زعل مـن يحبه = بالذات ليا من إن طبع فالشرايين
لكن صروف الـدهـر عيت تكبه = غـرت وليفه لـين ثـور بـراكـيـن
ذاب الوريد اللي لاصق بجنبه = حـرارة الـبـركان تحمل عـناويـن
عنوانها جـروح تحتاج طـبـه = شـوفـتـه أحـلا من ورود البساتين
القلب مايشفيه ياكـود قربه = دواء فـوادي شـوف سـيد المزايين
أقـسـم برب الكون ربي وربه = إنـي لحفظ الخل فـي داخـل العين
قلبي ملازم روحه اللي بقلبه = مـايـفـارقـه لو لف كل الميادين
ملازمه حتى في نـومـه ودربه = يـمـشـي مـعـه ايسار وخلاف ويمين
أمـوت فـي حبه وعائش لحبه = تـفـداه روح القلب وكـل الملايين

المشاركة الأصلية كتبت بواسطة المستشــار (المشاركة 35987) صح لسانك بيض الله وجهك لك كل التقدير

المشاركة الأصلية كتبت بواسطة نجم العرب (المشاركة 35988) صح لسانك نص جميل لك تقديري

المشاركة الأصلية كتبت بواسطة ۞النجـــــم۞ (المشاركة 35994) صح لسانك وعلا شانك جميلة لا هنت لك تجيتي