انا ليتـــا مريــت دارك وهلـــيت=وش ضيفتي يا مكرمين الأجاويد
وإلا أجيب الــزاد والخــل والـزيت=وانت عليك المبخــرة والــزغاريد
وان كان لا هــاذي ولا ذي مــريت=دورت لي ناس لهـم شوفتي عيد
وإما غزيت الشام وأطراف تكريت=يلقى بها قلبي من الزين ما أريد
وإلا هويت من الخلاء بنت عفريت=ممشـوقة القامـة ومصقولة الجيد
انا اسمـع إن الجن ياكيت من كيت=ماهم سواة الأنس خلق مقـــاريد
تقضي الحاجـــات من دون توقيت=تعشـق هواي وشوقهـا دائم يزيد
ماهـي بحـاجة طـــائرات ولا ونيت=ولا هي بحــاجة للكتب والمواعيـد
ليا ندهت الها تجيني على الصيت=وليا بغتني جات من دون تعقيد
ولاتي بخـائف دامني رأس لثبيت=اهل السيوف المصقــلة والبـواريد
أعطي بلا منـة ولا أرد ما أعطيــت=وأســدد الأفـكار بالفكــر تســديد
ابني بيوت الشعر بيت بعد بيت=واحدد أهدافي على الكيف تحـديد
اشرب قراح العـدّ وإن شان هديت=فوقــه نثيــله لو تقـــل المــواريد
وإن جئتني يامرحبا الـف حييت=أفرش لك دروب الغلا بالسجاجيد
الدار دارك وأنت واحد من البيت=راعي محل ماأنت غريب ولا بعيد
تلقى مناك وتهنني بمــا تمنيت=وتصير لي سيــد وأنا مثلكم سيـد
وليا شعرت إنك من الدار مليـت=وداعـة اللــه عـود والعــود تحميد

المشاركة الأصلية كتبت بواسطة binhlailبن هليــل (المشاركة 34682) صح لسانك وعلا شانك قصيدة جميلة لك تحيتي

المشاركة الأصلية كتبت بواسطة الــزعــيــم (المشاركة 34688) صح الله لسااااااااااااااااااانك عشق الانس ولا عشق الجن الطائرات ارحم من الذي تفعله الجن تقبل تحياااااااااااااتي الخااااااااااااااااصة

المشاركة الأصلية كتبت بواسطة نجم العرب (المشاركة 34696) صح لسانك ما قصرت لا هنت لك تحيتي