البارحه النوم عن مهجتي طار=سهران مع طيف(ن)يحوم بسمانا
أنا بدار ومشغل القلب في دار=والمشكلة يا صعب والله لقانا
واهج غرامه شب في خافقي نار=ودي بقربه والظروف تحدانا
صارت شراييني لعزفاته أوتار=يعزف علاها شوقنا في غنانا
ياكم سهرنا الليل بالنت سمار=نشكي على شاشاتنا من هوانا
يروي لي الأخبار وأروي له أخبار=يمكن يكون بطيهنه دوانا
قصده يولعني وأنا دائم(ن)حار=وليا عطشنا شربنا ما روانا
نسري مع الأحلام ونسج الأفكار=وليا عجزنا بحلهنه دعانا
مر(ن)نصير أطفال و أحلامنا صغار=نضحك على أرواحنا ما درانا
مر(ن)نصير كبار وأحلامنا كبار=ترجع لنا زفراتنا من عنانا
ياما على كبد السما ننقش أشعار=وياما على متن السحاب ارتقانا
ياما صحارينا غدت ورد وأزهار=نزرع بها لكننا ما جنانا
الخوف كل الخوف لو الزمن جار=هدم صروح(ن)بالليالي بنانا
قالوه بالأمثال والوقت دوار=مهو محسب ضيقنا من رضانا
العمر واحد مالنا غيره أعمار=اما التقينا فيه والا انتهانا
أنا وهي نمشي على كف الأقدار=ما كل ما نطلبه طالت يدانا

المشاركة الأصلية كتبت بواسطة الــزعــيــم (المشاركة 33543) أنا وهي نمشي على كـف الأقـدار *** ما كل مـا نطلبـه طالـت يدانـا صح الله لسااااانك وبيض الله وجهك الله يعطيك الف عافية على هذه القصيدة تقبل تحيااااااتي الخااااااصة

المشاركة الأصلية كتبت بواسطة المستشــار (المشاركة 33544) صح لسانك وعلا شانك قصيدة رائعة سلمت يمينك لك تقديري

المشاركة الأصلية كتبت بواسطة نجم العرب (المشاركة 33549) صح لسانك وعلا شانك رائعة من روائعك سلمت يمينك لك تحيتي

المشاركة الأصلية كتبت بواسطة صقـر عتيبـة (المشاركة 33559) بــن هــلــيــل صح السانك قصيدة جميلة وجزلة وفاااااالك المليوووون تــــقـــ مرووووووووووووووري ـــــــبـــــل صقر عتيبـة