ما بقى بالنت ما هو أكسبه=ولا بقى بالنت ما هو أخسره
ولا بقى بالنت شي أجذبه=بعد راحت ناوي إني أهجره
عشقها بالقلب نار(ن) تلهبه=يحترق كالطيب فوق المجمرة
لو قلبي من حديد تذوبه=لين يصبح من رماد وتنثره
هي بلا عشقي وحبي وسببه=قلبي اللي حبها لو تنحره
ما تحرك بالجسد بعض عصبه=ميت(ن) ما باقي الا تقبره
جئيتها بالود صادق أجلبه=ما تركت لغيرها ما يذكره
جئيتها بعهد الغرام ومذهبه=جئيتها بشوق يعج بمبخره
ارتمى لهفي عليها بتعبه=بكيفها تجمعه والا تبعثره
جئيتها بعقود نخل مرطبه=جئيتها بأغصان ورد مثمره
جئيتها بتاريخ عمري وكتيه=جئيتها بكشف الحساب ودفتره
جئيتها بعمري غلاه ومنسبه=جئيتها بعزي وعزي مفخره
جئيتها بلهف الحنان ومطلبه=كان وده باليدين يدثره
جئيتها بأحلام ياما مشعبه=حلم ما أعرف أوله من أخره
جئيتها كني صحاري مجدبه=ودي بديمة سحاب ممطره
جئيتها كالغصن ناشف تحطبه=بكيفها تسقيه والا تكسره
ومن عجب شوقي عليها وعجبه=صرت أقول الشعر فيها وأنشره
من قرأ شعري لشوقي أطربه=بعد صارت لـ الشعركل بحره
الشعر لو عذب فيها أعذبه= منبعالأشعار منها ونهره
القلــم ما هو ملحــق يكتبـــه=صار شعري فيك يا شوق أشهره
الشعر في غير خلي م أكذبه=ومن كتب شعر بسواها يقهره
هي غرامي والعقل مني سلبه=صارت أوهامي بعضها مُغبره
من بعدها أي شي مرغبه=إختلط جد العلوم بثرثره
شيء واحد في حياتي أحسبه=عهدي لمحبوبتي ما أغدره
لأجلها ناو القصيد أهذبه=لين حامد زيد ينسى الجمهره