تزعـل واراضـيـك واتـلـذذ بتزعيـلـك=
تبـي الصراحـه انـا مجنـون زعـلاتـك=
لاقـمـت تبـعـد وانــا اقــرب وادنيـلـك=
وامسك طرف غترتي وامـش دمعاتـك=
وتبـدي تعاتـب وانـا كـل انتبااهـي لـك=
ما اسمعك شتقول انا عيني على شفاتك=
وتعيـد حكيـك وتفـرك حـيـل منديـلـك
وتخالطـت صــادق حـروفـك بونـاتـك=
واحاول ارضيك ومدري منيـن ابديلـك=
واحتـار واذكـرك فـي بعـض زلاتــك=
واسـمـعـك ماكتـبـتـه بـــك واغنـيـلـك=
طاروقـك اللـي تحبـه واكسـر سكـاتـك=
واستسمحك واعذرك واسمعك واشكيلك=
واتـلـهـف لبسـمـتـك ورد ضحـكـاتـك=
يسرقنـي الوقـت ولا يمدينـي احكيـلـك=
كـــلام الــلــي تحـفـظـتـه لـشـوفـاتـك=
وقـت الوعـد فـات وعيونـي تراعيـلـك=
وقـفـيـت واشـغـلـت الـقـلـب بلتـفـاتـك=
عينـي علـى خطوتـك والقلـب يدعيلـك=
الله يحفـظـك مــن الحـاسـد وشمـاتـك=
تزعـل واراضـيـك واتـلـذذ بتزعيـلـك=
تبي الصراحه انا اعشـق كـل حالاتـك=