دخيلك لا تعاملني على إني واحدٍ(ن)عــادي=أنا ماني بمثل اللي تعرفه من رجال اليـوم
أنا ماشي على دربٍ(ن)رسمه أبائي وأجـدادي=شهامة طيب وإن حدك زمانك للزوم نقـوم
عطيتك عهد والميثاق فوقي سجن وقيـادي=أبيع الروح ما خونه وهذي عادةٍ(ن) لقـروم
ياسيد الكل فوق الكل عرشك داخل فــؤادي=على شأن الغلا عينتك الحاكم وأنا المحكـوم
تصرف بالمشاعر والشعر والفكر منقـادي=وأنا لأمرك بنفذ للأوامر والأمر محســوم
أحبك وأعشقك وأهواك والأشــواق تـزدادي=يانبض القلب وأجمل حلم عشقي والهوى مقسوم
كتبه الله على روحي وصرتي غــــاية مـرادي=يانور الصبح شمعة ليل عشقي ناطر المرســوم
أبيك تصارحيني بالهوى موتـي وميـلادي=نكمل باقي المشوار وإلا نمتنـع ونشــوم
أبيك تقول لي رايك صريح بصدق وحيادي=وتكشف لي عن أسرار الغرام بصدرك المختـوم
تجمل ريح المحتار ياطير الهوى الشادي=على غصن الفؤاد اللي يهزه عاصفٍ(ن)وهموم
ترافقني طيوفك بالنهار وحين مرقادي=تصير حلوم تلعب بالمشاعر ما هناني نوم
تعادهدني وتوعدني وتخلف كل ميعادي=أعاتب من وإلا من إلى كانت وعود حلوم
سنين طوال وأحلام الفكر سرداد مردادي=لكني ما طلعت بفائدة من ريعها محروم
يشب الشوق بضلوع الشقا مليون وقادي=ويبقى قادحه بالروح عن كل الخطأ معصوم
يعاملني مثل مايشتهي راضي بما أرداي=ولو اخطأ علي أقول له اعن الخطأ محشوم
لكنه لا يعاملني على إني واحدٍ(ن)عــادي=أنا ماني بمثل اللي يعرفه من رجال اليـوم

المشاركة الأصلية كتبت بواسطة رباح دبيان البيضاني (المشاركة 157398) صح السانك ... ابا هليل .. خيال اقرب مايكون واقع .. ابدعت..

المشاركة الأصلية كتبت بواسطة وصل الشهيب (المشاركة 157399) دخيلك لاتعاملني على اني واحدا عادي الله عليك يابن هليل فعلا شعر غير عادي وشاعر كذالك صح لسانك والله استمتعت بتواجدي مع هالشاديه تحياتي

المشاركة الأصلية كتبت بواسطة عبير الشوق (المشاركة 157400) أحبك وأعشقـك وأهـواك والأشـواق تـزدادي يانبض القلب وأجمل حلم عشقي والهوى مقسوم كتبه الله على روحي وصرتـي غايـة مـرادي يانور الصبح شمعة ليل عشقي ناطر المرسـوم أبيك تصارحينـي بالهـوى موتـي وميـلادي نكمـل باقـي المشـوار وإلا نمتنـع ونشـوم يحق لنا ان نستحضر كل المشاعر لتشهد تلك المصارحة .. وللنجوم حق الحضور أيضاً استاذي بن هليل : عزفت أنغام صباحية طاغية الجمال صح نبضك والقلم وتحية تليق بالشعر