كثير راح بروحته ما زعلني=ما راح من دنياي ياروح يفداك!!!
وياما جروح تصير والصير فني=حاولت به جرح الغرام يتناساك!!!
لكن عجزت أصبر غيابك سقمني=ياللي عروق القلب تنبض بذكراك!!!
سهمك رميته بالضلوع وحطمني=حطم معاليق الفؤاد وترجاك!!!
ترجع تتل الرمح وتريح وني=والا تكمل ذبحتك لا عدمناك!!!
الوجد من بعدك وربي هدمني=غديت شبه إنسان من كثر لاماك!!!
تحمسني الأوهام حماس بني=تحت الفراش أحس لي مثل الأشواك!!!
غديدت كني ملتبس الف جني=حتى بصلاتي لا سجدت أتمناك!!!
غلاك من دنياي كلي سلبني=ما صرت أفكر بالخراعيب بسواك!!!
بين الرجا واليأس حظي قسمني=أدور من حولك مثل دور الأفلاك!!!
أحلم وحلمي بالمآسي كفني=بكل الزوايا أبصرك وأترآك!!!
باسمك أغني لو ماني مغني=وأنظم لك الأشعار وأذكر سجياك!!!
يامصدر جروحي وحبٍ(ن)سكني=قليل بين الناس يملك مزاياك!!!
عجزت صد الحب ساعة دهمني=وإن لمتني يارب بالحب يبلاك!!!
وإن كان ما ربي بفضله رحمني =كل الظروف تسوقني يم الإهلاك!!!