ليا صار حبك لوم في لوم في لوم!!!=حبٍ(ن)مثل هذا حياته قصيره!!!
لو زان بعض أيام لكن ما يدوم!!!=ترجع حلاته عقب فترة مريره!!!
ليا صار دربه شوك وعبوش ولغوم!!!=هذي عوايق كايدة للمسيره!!!
الحب ماهو حكم حاكم لمحكوم!!!=ليا كان هذا الحب يا حب خيره!!!
بعز نفسي عنك لو كنت مظلوم!!!=ممات عز ولا حياةٍ(ن)حقيره!!!
ما والله أرخص غالي النفس لو يوم!!!=ما يذلني بالحب لو هي أميره!!!
مهما أعاني منه بيظل مكتوم!!!=بين الضلوع ولو يوقد سعيره!!!
هذا نصيبي منه للنفس مقسوم!!!=بدفنه بالأعماق بهون بصيره!!!
ماني بمن يرضخ ولو طعنه سهوم!!!=ما يجيب راسي لو قدر الشعيره!!!
هذا أنا زيزوم لن قيل زيزوم!!!=ماتهزني هزات لو هي كبيره!!!
مثل السراة منيفةٍ(ن)فوق الاتهوم!!!=شواهقٍ(ن)ياعسرها مستطيره!!!
ليا صار حبك لوم في لوم في لوم!!!=حبٍ(ن)مثل هذا حياته قصيره!!!

صح بدنك ولا هنت


سعدت بحضورك الكرريم وردك الطيب


لك خالص تحيتي