ياعاشق الدنيا ترا مابها خير= دنياك ماتسوا جناح البعوضه
فيهاالغني عايش وربعه طوابير= وفيها الفقارى عايشين بمغوضه
كم من غنياً مايعرف المخاسير =وكم من فقيرً ما يسدد قروضه
ناسً مغامير وناس مشاهير = احدً بخيرً واحد يندب حضوضه
دنيا بها تحكم علينا المفادير = ذاك يتعثر ذاك يعلن نهوضه
لله في خلقه شئون وتدابير = والمبتلايصبر وربي يعوضه
اللي حرم من شي يتعوض بغير = دوم السلع للمشترين معروضه
لولا احتياج الناس ما جاء مداوير = بارت سلعهم واصبح السوق فوضه
اصبر وخلك شامخً كنك النير =لو لغز وقتك شل فكرك غموضه
الوقت قبلك قد عصى سالم الزير = اللي بحد السيف تبهر عروضه
اذا عصاك الوقت سايره ويسير = واخذ الحذر لاتخدعك كل موضه
بعد الدهر تاتي علوم التباشير =بالبارق اللي قرة العين نوضه
العسر من بعده تحل التياسير =وطعم الحلا ينسيك طعم الحموضه
ابعد عن الرخمه ونفاخة الكير = اذا فتلت الراي جوك بنقوضه
بغابك اتحشك بحد البواتير = وبحضورك اتجيب الهرج مغلوضه
يجاملون بهرج يحتاج تفسير= كلً حريص انه بقضي غروضه
صحبتهم اتحدك لدرب المعاثير = ومن طاح حتمً يشتكي من رضوضه
رافق شجيعً يصخر الصعب تصخير= عد الروا يبهج لوراد حوضه
قرمً يسرك بالرخاء والمعاسير = يعوضك بحدا الضروف وتعوضه
واهم شي ان ما يجي منك تقصير = حافظ على دينك وكمل فروضه
من كمله يلقى من الله تقدير = جزاه داخل جنة الخلد روضه