ان الهاتف المطلوب لايمكن الاتصال به الان = وانا والله ياعالم كرهت الحب واحواله
مدام اللي تمنيته قطع وصلي ونوى هجران = علام الخل مايسأل ومقفل دوم جواله
رسايلنا تجي وتروح وخلي ماظهر او بان = والمشكله انه بعيد ولا كرمني باتصاله
افرح لا دق جوالي احسب انه علي ولهان = واقول الو من الفرحه وانا حالتي حاله
ويطلع شخص يبي فلان واقله للاسف غلطان = صحيح الحب يلعب بي وظروف الوقت محتاله
ذبحني الحب ياقلبي وانا والله بشر وانسان = دخيلك يازمن قلي وين الحب واماله
انا اشتاق واتالم وادور في الحزن خلان = انادي خلي الغايب عسى الافراح تنخى له
واذا هزني شوقي لحبه والضلوع اوطان = راسلته الين يقول تم ارسال الرساله
واظل اجلس عساه يرد ولكن ماشعر وجدان = طفت شاشة الجوال وخلي ضاوي جواله
فواتيري تعل القلب تصك بحدها الالفان = وهو يطلب ابي اشحن رصيدي والعقل داله
اذكر مره قد جاني حسبته ملتهف شفقان = يقول ياصاحبي والله ضاق القلب باحواله
ابي منك معونه وانت بكل احوالك العوان = وانا في داخلي اسئل غريبه عاد بسهاله
واخيرا بعد ماطول بهرجه واستراح ودان = طلع يبغى جهاز جديد ويغير نوع جواله
انا ماقلت هالدنيا عنيده يابشر ماكان = ماكان بامكاني اصبر وانا حالتي حاله
هذا الهاتف المطلوب مغلق الى حد الان = الا من هو يبيع الصبر وكل العمر يهدى له