ياحبيبِ(ن)يهيم القلب بقذيلته=ليش تذبح لقلبي بعد طول إشتياق
ما أتحمل غيابك يوم مع ليلته=كيف ذا لحين تطري للبعد والفراق
ذا كلامٍ(ن)يطير عقلي وحيلته=عاقني فوق ماني يا حبيبي معاق
وجه هجرك حبيبي طوح بشيلته=يا حسافة قويت تقول مالا يطاق
انجرح قلبي اللي منك ترتيلته=صدمةٍ(ن)يأخذ لعقدين ماعاد فاق
ضيق الصدر حكيٍ(ن)زايده كيلته=لو سمع به شمالي كان ولول وضاق
كيف حالي بعد ما قلت يا ويلته=عز قلبي بموته سم طعنتك ذاق
يا وليف الزمان اللي نها قيلته=ياخسارة سهر عيني مرير المذاق
الزمن يا وليفي بينه ميلته=وجه الأيام بين فيه طبع النفاق
هم عمري مجهز للسفر خيلته=بهجر الدار كله وأسكن الواق واق
حلم روحي تدهور مأكل بصيلته=ما بقا بعد هذا للأماني سياق
حبل وصلك قطعت اليوم توصيلته=كل مالا يليق من السواليف لاق
ياحبيبِ(ن)يهيم القلب بقذيلته=ليش تذبح لقلبي بعد طول إشتياق

المشاركة الأصلية كتبت بواسطة حورية البحر (المشاركة 182487) صح لسانك قصيده مميزه تسلم ايدك يعطيك العافيه

المشاركة الأصلية كتبت بواسطة ابن عميش (المشاركة 182489) صح لسانك استاذنا الغالي على هذا الابداع الراقي والمميز الله يعطيك الف عافيه لك التحيه والتقدير