لا تلوميني على طول الغياب=الموانع من زماني والظروف
لو تجي بالكيف سجيت الركاب=لين أجيلك في مكانك يالهنوف
ما تحريت لملامك والعتاب=ولا تعنيت وسهرت مَع الطيوف
أتجلد مثل ماسورٍ(ن)مصاب=رابطين يديه من خلف الكتوف
السفر معروف قطعه من عذاب=والملام أشد من ضرب السيوف
والظروف تحدني والقلب ذاب=والرجولة تمنع الدمع الذروف
كن قلبي يشلعه ضاري بناب=والهواجس ما تبيتني تحوف
في نصيف الليل أشاهد للسراب=يتبعه فكري وعيني ما تشوف
مرً أشوفك من على متن السحاب=ومر أشوفك فكرةٍ(ن)حولي تطوف
مر أشوفك شمس غاشيها ضباب=ومر أشوفك بدر ما شابه خسوف
لو رضيع يحس باللي في شاب=مير وش تنفع مواجيع وحسوف
داخلي أحس وجعة والتهاب=غيرت لوني وصايبني نشوف
ياخراب القلب منك يا خراب=الهوى واللوم زادت به نزوف
ليت للعاشق طبيبٍ(ن)كان طاب=مير طبه عند نقاش الكفوف
والمصيبة كان مثلك بالعقاب=لا يعين ولا يلين ولا يروف
ليه قلبك حالك(ن)مثل الغراب=العسل والسم في طي الحروف
اتركي للوم لا وقت الحساب=ماكفاك القلب منهوب مخطوف
لا تلوميني على طول الغياب=الموانع من زماني والظروف

صحت أبدانكم جميعا

سعدت بحضوركم وردكم الطيب


تقديري

صح بدنك ولا هنت والله يرأف بحالنا جميعا

والحمد لله الله محقق لي كل ما يستوجب الشكر

وما الشعر الا علوم السعوات مثل ما يقولون


تقديري