حبيبي لا تحجج بالظروف اللي تحدانا=ظروف الوقت لأجل الحب لا بد نتحداها
جميل العمر ما ينطر ليا شبنا تعدانا=وحنا لو ركنا للمواجع ما انتعداها
تعال اقرب نبي ننهي قساة الوقت بيدانا=قبل نندم وتخبطنا ليال الغدر بيداها
تعال اشرب ينابيع الصفا بنكيد لعدانا=نبي نفرح بفوز أرواحنا ونغيض لعداها
أنا كل علي أمرك بعد درب الحب ودانا=على نار السهر عين السهر بالليل وداها
تشاغلني طيوفك والسهر يا حبي أردانا=ليال طوال أساهرها يا عل الروح تفداها
تذكرني بوقتٍ(ن)فات يوم الحب نادانا=تسابق له مشاعرنا يلهفٍ(ن)حين ناداها
نحسبن الهنا مقبل لكنه راح ما أمدانا=بعد سم القلوب الطاهرة بالشوق وأرداها
ياليت انا نعلم الغيب والا نصنع هدانا=ما كان اليوم نخضع للظروف ونتبع هداها
حبيبي لا تفكر بالظروف اللي تحدانا=ظروف الوقت لأجل الحب لا بد نتحداها