عـاتـبـيـنـي عاتبيني بـس حذرا تهجريني = عـاتـبـيـنـي غربليني يـالعيون الناعساتي
الـغـلا يـاروح قـلـبـي متصل بينك وبيني = الـغـلا ما بـيـنـنـا أثبت من عروق النباتي
عاتبي دام العتب ما يشعل النيران فيني = الـعـتـب لا زاد عـن حده يوصل لشتاتي
احضنيني ياحياتي من يسار ومن يميني = احـضـنـيـني يانظر عيني ياقلبي ياحياتي
أنثريني أجمعيني أقطفي زهرة سنيني = العمر وش العمر لاصار ماحوله حلاتي
نرجسيه فـل جوري جل ورد الياسميني = كلها تغار من حسنك يـامفتون الصفاتي
الـبـدر وش البدر لاطل نـور احلا جبيني = المطوع لـو يرا نوره ترك ربع الصلاتـي
فدوة فواده فوادي آسر فوادي وعيني = الغصون من السحايب ناميه ومزهراتي
الهجر لو ينذكر من ذكره الخافق حزيني = كـيـف أنـام الليل عز الله فوادي مايباتي
عاتبتني عاتبتني خايفه مـن بـرق شيني = مـادرت إن العتب بـدايـة دروب الشتاتي
عاتبيني عاتبيني بس حذرا تغضبيني = الغضب يقطع حبال الود ياسكر نباتي