تكفا يا بو متعب نبي إف 16=يتلها شاهين من سرب الأحرار
يقلع بها شغموم قدام يغبش=رادارها مربوط مع كل الأقمار
تمر بنغازي كما قدحة فلش=وتمر سرت مولعة كل الأنوار
وليا تعدى هشها للهدف هش=يتعطل بمسارها كل رادار
تاصل معمر قبل لطرف يرمش=تدك قصره لين يغدي لهب نار
ضربة مدرب عز ما تغدي بلش=باب العزيزية بها يصبح غبار
من شدة الضربة يظلي كما النفش=والقبو واللي داخل القبو ينهار
بعد عثا بالشعب وأتهمه بالغش=شعب الكرامة فيه مليون مختار
خبلٍ طغا والشعب ما عاد يعتش=أنا أشهد إنه صار يا سيدي عار
وده يسوق أخواننا سوق الأدبش=ما يدري إن الشعب حاميه مغوار
صقر العروبة لا نوى علم ما خش=راسه بوسط الرمل ويدور أعذار
على النقا مرباه وجهه ليا بش=يحمي حماه ويحمي الدار والجار
تكفا تجمل قبل ذا الخبل ينحش=امسح أثره ولا تبقي له أثار
خل الحمم غطاه واللاظي الفرش=واللي معه من زمرةٍ(ن)كلها أشرار
سجل على التاريخ يا سيدي نقش=صقر العروبة عاش يشلع ليا غار
من يدعي إنه ملك قول له كش=خل الزعامة للعربين الأخيار
المجد ما يكسبه يا سيدي دبش=يا سيد الأحرار يا حصن الأبرار
اليا صدر أمرك على إف 16=بيتلها شاهين من سرب الأحرار

صح بدنك ولا هنت


سعدت بمصافحتك وردك الطيب


تحيتي