القوافل العربية - كم حلم فـ( تراب ) الحقيقه قبرته .!

القوافل العربية (https://www.alqwafel.com/vb/index.php)

- قوافل الشعر الشعبي (النبطي) (https://www.alqwafel.com/vb/forumdisplay.php?f=15)

- - كم حلم فـ( تراب ) الحقيقه قبرته .! (https://www.alqwafel.com/vb/showthread.php?t=12336)

كم حلم فـ( تراب ) الحقيقه قبرته .!

حيل الله اقوى مابقى في يدي شيّ
مافيه حل ٍ في يديني.. ذخرته

حاولت .. لكن المحاصيل هيّ هيّ
الطير طار ولا بقى الا شجرته

وقفّت اشوف شويّ واغمّض شويّ
واللي انكسر في خاطري ماجبرته

لين الحقت شمسي على بارد الفيّ
وشفت ان كل اللي جمعته خسرته

من كثر ماعزيت ريقي عن الميّ
ملّ الصبر من كثر صبر ٍ صبرته

كم هقوة ٍ ضاعت على سكة الغيّ
وكم حلم فـ( تراب ) الحقيقه قبرته

واقف .. وطعنات الزمن كلها فيّ
وساقي لو انه كلّ مني / كسرته

بعد ماعاش اليأس في احساسي الحيّ
اخوي .. لو هو صد عني عذرته

مدري عن اللي كنت احسبه بقى ليّ
اللي حزمت ابه الضلوع وذكرته

اللي طوى حالي بحكم الهوى طيّ
قصّر .. وانا كل الطريق اختصرته

ماهو خطاء لاقلت ( تامر على شيّ )
الا الخطاء .. لا اشتقت له وانتظرته

مما لآمس إحسسسآسي
عنود الصــــــــيد