دايم عـتيبه في مواقـيف الرجال=تسمو وديـدنـهـا سـمـوانجـالها
مثل القمر تـقـمـر وواحدنا هلال=في ضـيًها جـديـد ضي اهـلالـها
واليا حضر منًا بعضنا في مجال=كن القـبـيـله حـاضـره بارجالها
فـيـنا مـيـانه كـنًهـا نـقـد الـريـال=من قبل ياابن العـم اقوله قالها
نحصد نعم في كل حاله واحتفال=حـتى النشاوي تنـتشي بافعـالها
سيـره وديـره والكرامه والنوال=مهـرة عـتـيـبه والمثالـب فـالها

ياصاحبي قدام لا نطرح سؤال=الشاذلية مد لي فنجالها
نِعم لعتيبة والقبايل بالنزال=تروي ضواميها بحد قتالها
كل ديرةٍ فيها طحاطيح وعيال=ما تذخر الطيب وطيب حالها
لكن عتيبة مسك من دم الغزال=بوقت الرخا مثل النجوم عيالها
وليا تغير وجه دنيانا ومال=تعدل عتيبة بالسيوف ميالها
عتيبة الهيلا صواعق من خيال=الأرض تحرقها تدك جبالها
عتيبة الهيلا شوامخ ما تزال=يوم إن بعض الخلق سهل زيالها
ياللي تغني بالمثايل قيل قال=ثبت السوالف بالعقول عقالها
دامك وردت العد يهناك الزلال=إسق الظوامي من حياض زلالها
ترى الظوامي لن تقافت هيل هال=قال المثل والخيل من خيالها
إعرف خلاصك قبل ترمي بالعقال=إقصر مراشيها ولف حبالها
لا تستهين بروح بعدين وتعال=مالك ومال نطالها وطوالها
والا تحدر مثل سيلٍ عقب سال=يقلع شجاريها ويطحن جالها
يضيق به منحاه ويشيل الرمال=لو تاقف بدربه صخورٍ شالها
افتل علومك فتل فتال الحبال=ترى المواقف من ذكاء فتالها
لا تصير كلوة بالجمل والا طحال=قالوه قبلي للحمول جمالها
اليا نويت إرقى عسيرات الجبال=لا تعاين بعينك على طبالها
كمل لزومك عاد لله الكمال=ترى المعالي من بغاها نالها
معك عتيبة باللسان وبالفعال=ترخص على شانك نفايس مالها
هذا سؤالي حل يا حلحيل حال=عطني جوابه عجل يا جمًالها
ياصاحبي من بعد ماقلت السؤال=الشاذلية مد لي فنجالها

اوفـيـتـها بالـكـيـل واذكـيـت المـقـال=واهل العـزاوي ماتفـن اسوالها
الصوت داعي والهـقـاوي ما تـطـال=لـوالـعــرب باحلـومها تـحـتـالها
كل الدواعي من يـمـيـن ومن شمال=تـزهـم فـزوع وتـنـتخي باجيالها
ويوم اتوسم في كـريـمـيـن السبـال=ماودًي اتـكـلـهـا على مـجـدالها
واللا مـخــلــيـهـا على قـولـة مـثـال=بعـض المثايـل فالمواقـف مالها
والطاري الحسًاس في حسن المقال=شـجـع مضامـيـني لشد ارحالها
واملا على اعزومي كما نـقـد الريال=والمـعــنــويـه تـنـتـشي بـغـلالها
الحي يحـيي والنـفـوس الها افـتعـال=يضفي على ضول الانا باظـلالها
والـيا رعـاه الشيخ يغـشـاه اعـتـدال=يرسم على الهقـوه وسام ابدالها
وانـا بـديـت وصاحـبـك مـاهــو بـذال=اشلول فـكـره من رزين اخـيـالها

راع الوفا ياخذ وفا في كل حال=والطيبة من حظ منهو هالها
ياللي تكيلون السوالف بالكيال=بعض الهقاوي غبن من يكتالها
عبر كيالك للمحامس والدلال=بهر مصافيها وصب دللالها
خل العرب تشرب من الكيف المدال=عبر لصبتها على فنجالها
المرجلة يازينها مال وحلال=والفقر ذئبٍ(ن)للرجال اذلالها
ومنهو يداحم للمتون بدون مال=لوهو شجيع الكايده ماطالها
لقيت في قافك غرايب وامتثال=والناس تعرف فالزمن بأمثالها
ياللي دخلت الريل خلك نجم رال=دوم الشوامخ تنعرف بظلالها
ترى المسابق والتسابق كرنفال=وبعض العرب تقنع بما يعطى لها
لكن هذي تجربة والليل طال=غابت نجومه والفجر ما جا لها
بكرة تبان الراكدات من العَيال=والرمية اللي ما تصيب اصحى لها
ترى الذياب ليا تعاوت بالليال=يبان لعيون العرب مدهالها
خلك سنافي بالبراهين الثقال=فوق الهقاوي لا تروح قبالها
ترى المحايل والتحايل واحتيال=ما تكسي العاري غتر بعقالها
بعض الفعايل فعل والبعض انفعال=لا تعتمد على العرب وارسالها
اكرب حزامك عند حلٍ وارتحال=واسرج خيولك والقصائد لالها
معك فزوعك من عريبين الخوال=حتى الصبايا فازعات بشالها
راع الوفا ياخذ وفا في كل حال=والطيبة من حظ منهو هالها