كلٍ له زعامة زائفة...؟؟؟؟؟
 

ياهمومي شاركينـي فالهمـوم
نفسي لبعـض الاوادم عايفـه

في زمانٍ صار فيه الصقربـوم
والذياب مـن الليالـي خايفـه

ضايعه فيه المبـادي والسلـوم
كل عاقل له عيـون وشايفـه

ياهمومي مابقى فالقـوم قـوم
مابقا غيـر الوجيـه الزايفـه

لعنبو وقـتٍ يعـزك يالرخـوم
سكنك فـوق الطـوال النايفـه

صار كلٍ له زعامـه وامخـدوم
كل واحد له جيـوش وطايفـه

يحسبنه ساكنٍ حـول النجـوم
والاوادم عنـد مثلـه هايـفـه

والبلا من شلةٍ حولـه تحـوم
تمـدح افعالـه لهـا متكايفـه

وان بحثته فالخفايـا والعلـوم
تعرف ان العرف فات وطايفـه

وان زهمته في نهارٍ له لـزوم
مانفعـك ودوم عـذره كايفـه

من جميل القول واالفعل امحروم
الرديـه والخـطـا ولايـفـه

ياعسى شكله مع الناس امعدوم
اشهد ان الطيب ماهـو حايفـه

عن مثل هذا ترى نفسي تشوم
نفسي لدرب الضعافـه عايفـه

متعب العتيبي

رد: كلٍ له زعامة زائفة...؟؟؟؟؟
 

قصيده مميزه

رد: كلٍ له زعامة زائفة...؟؟؟؟؟
 

مشكور على النقل

وصح لسان شاعرها

لك

تحياتي

رد: كلٍ له زعامة زائفة...؟؟؟؟؟
 

صح الله السااانك والسااان القائل

الله يعطيك العافية

لك خالص التحية