سلام يا قوم لها بين العرب قـدر ومهابـة=قوم(ن)تعرف الواردة والصادرة في كل جابة
لوكان في تال الليالي صار ميلـة وانقلابـة=الله يعين اللي على ميل الليالـي صابريـن

حنا ثبيت اللي على القانون من يوم العرابة=واليا دعا الداعي نجي قدر العواني والقرابة
من روسنا ماهو بمنشور الجرايد والكتابـة=عن درب اهلنا مانعود لايسـار ولايميـن

سلام تسليم الوفـا اللـي مايغيـر=يكود ضلع يسوم من مرساه غيـر
وانا اتعين فالزمـان اللـي تغيـر=الصدق راح اقسام واللي ماش ماش

اللي يبا جبر العصى فكر وخير=واللي يبا شفه يقيـس ويتخيـر
الرفق والقانون مافيهـا تخيـر=اما قلوب صافيـة والابـلاش

ياسلامي سلام(ن)يبري الضنة=مثل من ياخذ الزانة ويعطيها
المطوع غشيم ويطلب الجنـة=يترك الفرض والسنة يصليها

الظوامي على الماء جالها حنة=وين هذا الرعية وين راعيها
حذفة اللي حذف مازمت القنة=صابت الناس قاصيها ودانيها

ابن هليل

مشكور على النقل الجميل

تقبل تحيتي