يابله دخيلك إشرحي لي الدرس=خليني أعرف للرسم والقراية
عيدي شروحك لين ماقول لك بس=الشرح مرة وحدة مو كفاية
يابله دخيل خشيمك الزين والخرس=لا تتركيني للجهل والغواية
يابله دخيلك لاتقولين لي أخس=وإن كان قلتيها فهذا بلايه
أنا تراني بالجهل منغمس غمس=أشوف جهلي عاكسته المراية
عقلي محجر منترس بالشقا ترس=مافيه بالطلاب واحد كمايه
مقدر أفرق بين سمعي من اللمس=طالبك يابله كان عندك دراية
طالبك يابله تشرحي لي الحس=من البداية لين حد النهاية
وأسالك يابله عن حواسي الخمس=هي حقيقة او مجرد دعاية
كيف أغرس الأفكار في داخلي غرس=وأفهم جميع شروحك(ي)من البداية
وإن كان ما عندك دوا حظي النحس=دايم وهو يركض ورايه ورايه
بنحاش من عالمك وأروح وأندس=وأقضي بقايا العمر وأنا بعماية

كلك ذوق


مشكور على المرور والرد الطيب


لك تحيتي

صح بدنك ولا هنت


سعدت بردك الطيب


لك تحيتي

صح بدنك مدد بلا عدد


سعدت بردك الطيب


لك خالص تحيتي