دن الرعد في هاجس الشوق وأمطر=
ساعة ذكرتك ياغلا هاجسي جاك=
ترجمت لك مشاعري ياغلا شعر=
وصخرت لك قاف القصايد لعيناك=
فرشت لك سجادة الشوق بالصدر=
حمراً صبغها دم الأشواق حياك=
اقلط بصدر الصدر يا مشغل الفكر=
واشرب لفنجال الغلا لا عدمناك=
مجلسك عرش القلب مملوك لك حكر=
مافيه غيرك يملكه ربي أعطاك=
أعطاك قلبي والمشاعر مع العمر=
وأنا خذيت من العطاء قلب يهواك=
خذيت نار الشوق تحرق كما الجمر=
وخذيت جمر الصبر من عقب فرقاك=
والصبر مر ولهفتي طعمها مر=
مدري متى ياغايتي عاد بلقاك=
حسبتها لأيام صلفات وتمر=
لقيتني وأحلام عمري تحراك=
أحلم يزين الحظ عقبه تعكر=
واقضي لباق العمر بالحب وإياك=
وإن كان ماصار المنى وانتهى الصبر=
كتبت لك وصيتي مقدر أنساك=
يامنتهى حلمي على العسر واليسر=
رهنت لك عمري عسى العمر يفداك=
أعمارنا تركض بعد كرها فر=
وأحلامنا وأمالنا صابها إرباك=
ما عاد باقي بالعمر يوم بيسر=
ماباقي إلا طيف من طيف ذكراك=
كل ليلة ٍ(ن)مع طيف ذكراك بسهر=
وأدعي لرب الكون فالبعد يرعاك=