القوافل العربية - محاورة سلطان المنصوري و الهاجري

السلام عليكم ورحمة الله وبركاته

من محاورات المغترة 15 لهذا العام 1429هـ بين السلاطين المنصوري والهاجري ابداع بمعنى الكلمة واعجاب من الشاعر الكبير سلطان الهاجري بالشاعر الشاب سلطان المنصوري وشهادة له بأنه خليفة مطلق كما شهد له مستور والسواط ..

سلطان المنصوري

سلام يا امير الجنوب الي عسى عمرك طويل
جعلك ذخـر للمنطقـة والملعبـة وصفوفهـا
ياليتني في ابها البهية كل يـوم وكـل ليـل
من شان يا فيصل فعولك كل يـوم نشوفهـا

سلطان الهاجري

يا مرحبا بك بالنيابة عن مزبنت الدخيل
انت كتبت رسالتك وانا قريت حروفهـا
ما مات مطلق ياطويل العمر حصلنا بديل
واهل العلوم الطيبة ما ينجحد معروفهـا

سلطان المنصوري

يالهاجري بعد اجتمعنا داخل البيت ظليل
عندي رسايل واجدة ومظرفة بظروفها
ترا البحر ساسه بحر ما ينتغطى بالنثيل
والي ركب في شدادها ما يلتفت لردوفها

سلطان الهاجري

اسمك كذا واسمي كذا والفرق في الوزن الثقيل
والمرجلة يا صاحبي كـل السبـاع تحوفهـا
انا اعرفك فارس لكن الملعبة ميـدان الخيـل
ماهي كما شارة مـرور تمرهـا وتطوفهـا

سلطان المنصوري

اسمي كذا واسمك كذا وشعيل حمله لا يميل
كفي طويل مع الرجال الي طوال كفوفهـا
ماجيتك الا محتزم بالرمح والسيف الصقيل
ماهمني بعض الرجال الي تحـد سيوفهـا

سلطان الهاجري

لبستك حزامٍ مالبسته جبـان ولا ذليـل
مار الجمال مبركة والحمل فوق كتوفها
الليل هذا يا وسيع العرف ماهو بأي ليل
مالك شغل في حاذف العالم ولا محذوفها

سلطان المنصوري

البرق يبرق في السماء والسيل مع بطن المسيل
والسيل مايرحم مطانيـخ العـرب وضعوفهـا
عزالله انا مـا نمـد القـوم بالكـف البخيـل
دام البضايع فاهميـنٍ قطنهـا مـن صوفهـا

سلطان الهاجري

وانا على شانك قدحت الزند في خشم الفتيل
والي تخاف من السيول الله لا يمّن خوفهـا

وسلامتكم