البارحة ما نمت بالليل ساعه=سرا بي الهاجوس يم المحجل
لبى وأنا لبيت سمعٍ(ن)وطاعه=ياطيف ملهوف الحشا يالمبجل
هذا قصيدي طالبٍ(ن)للشفاعه=لرضاك عذب الشعر قبلي تعجل
ارحم لحالي لا تطول القطاعه=جود بوصالك يالغضي لا توجل
مشتاق لكل شوق الطفل للرضاعه=أبي زهورك والعنب والسفرجل
فيني عليك من المحبة مجاعه=الشوق بالخفاق صوته يجلجل
أحرم لعيني نومها بالهجاعه=فارس غرامك بالحشا ما ترجل
يركض بدمي ركض عز وشجاعه=والدم يغلي مثل ميٍ(ن)بمرجل
مصاب من شوقه بضعف المناعه=في حب من يهواه ما عاد يخجل
البارحة ما نمت بالليل ساعه=سرا بي الهاجوس يم المحجل

ممتازة لاميتكم

انها ممزوجة بشيء من بعض السكريات

لا فض فوكم...